Unseri Blaggette 2025

Me loht sich zyt


Letscht Summer do hämers chum chöne erträge.
D’Sunne het sich Zyt gloh, drfür ganz vil Räge.

Het dr glich Räge ächt das Holz nass gmacht?
Sodass am Fasnachtsfür erscht am 8i es Füür isch entfacht?

Au am Umzug het so Mänge müesse warte.
Vilicht müend mir nöchscht Mol andersch starte?

Bi jedere Baustell diend die sich Zyt neh.
Dr Domus wärde mir dä jemols gseh?

Au mir nähme uns Zyt für s’beschte Ergäbnis.
Dr Uftakt mit „Facelift“ wir es mega Erläbnis.

Chömet alli an d’Fasnacht und machet mit.
Frei nach em Sujet: me loht sich Zyt!






Liebi Chaiseraugschter Iiwohner

Sit vilne Johre zählt unsi Fasnacht zu eine vo de wichtigschte Traditione vo unserem Dorfläbe und mir wärde die Tradition au in däm Johr ufrächterhalte!


D’Blagette chansch du wie gwohnt bi de Cliquene bezieh, oder an de Vorverchaufsstelle im FC-Hüsli und im Bahnhöfli, sowie natürlig au online uf eventfrog.ch. D’Blagettene choschte 8.-- für die Bronzeni, 12.-- für die Silberni und 20.-- für die Goldeni.


Mir freue uns, dass mir Euch s Programm 2025 chön präsentiere!
D Blaggette griegsch bi de aktive oder Online uf Eventfrog. Si isch dr iitritt für d Stroosefasnacht am Samschtig.



Liebe Grüsse Chaiseraugschter Fasnachts-Comité